2012的預言

最近不知為什麼好喜歡研究UFO等超自然現象, 可能暫時唔洗返工太無聊啦. 小時候已經對UFO外星人好有興趣, 常常去圖書館睇下有關既書, 相信除左咸書之外, 細個睇得最多就係講超自然事物既書. 有時真係好想外星人坐住一隻飛碟帶我上外太空周圍去見識一下, 可能從此我就再返唔到落地球.

我對超自然事物探索有一個忠指: 我唔會去研究鬼魂之事, 因為怕睇得愈多會愈自己嚇自己, 而且細個在大陸旅行遇見鬼魂一事另我記憶游新, 都唔多再想去諗. 好多時睇左之後到夜深人靜時會諗返起嚇到自己, 同時聽人講愈去深入研究就會愈容易接觸到"佢地", 可能大家打通左溝通橋樑掛. 都係留返比大膽既人去研究吧啦!

UFO其實唔一定指外星人既飛碟, 我地個天空其實有好多不知明既野飛來飛去, 只係香港人個個都好似好趕時間咁頭向下不斷衝衝衝... 而且我地一望上個天只見高樓大廈, 都好難睇到d所謂UFO. 外星人UFO我自己深信不疑, 因為宇宙之大無奇不有, 地球可以有生命, 難道別的星球就唔可以有生命? 科學家暫時已知太陽系以內冇好像地球人一樣既高智慧生物, 不過太陽系以外就冇法得知.人類對自己居住既地球都不能了解所有, 何況整個宇宙? 而且我們這幾十年以來有許多世界各地有關UFO既紀錄, 相信不會全世界人類在不同時代不同國家也有著同一個錯覺吧!!!???

有關2012既驚世預言, 2012年12月21日冬至當日世界上將會有大事發生, 有人話係世界未日, 有人話人類會進入另一個文明. 從許多網上資訊表示因為幾千年前瑪雅人係一個掌握天文曆法好高既文族, 佢地既計算去到2012年12月21就不能再算, 而這也吻合中國人五行既計算, 到了2012年12月21日也不能再算下去. 而西方科學也有著這一個講法, 2012年太陽與地球磁場會互相對調, 這是地球從沒有過記錄的1次經驗, 到時會發生什麼事都唔知. 照這幾點終合而論, 可能2012年真係有大事發生. 不過到時要死都有大把一齊死, 都算公平. 現在都係及時行樂吧! 如果到時冇事發生咪得啖笑囉...