股票你好野

06,07年大牛市, 雞犬升天, 阿公,阿婆,師奶,學生人人買股票,真係是但篤個number都可以有錢賺. 大有人辭工全職炒股, 你笑佢傻, 佢笑你唔咁做先傻, 人各有志, 因而發達者眾. 抽新股必賺是大神話, 新股上市過千倍認購是等閒事, 抽中新股仲難過中六合彩3個字. 先蝕50大元手續費可以買十注讓你發大達的六合彩. 條數人人都識計, 不過人人都唔會咁計.

07年尾大市隨美國次按問題一落千丈, 叫生叫死者一街都係, 普羅大眾唔講股票已經再冇話題, 只是街坊股神突然收聲. 阿公, 阿婆, 師奶, 學生人人撈底, 滿以為可以絕地大反擊, 點知原來不憾一擊. 兩個月間恆指跌足一萬點. 雞犬牛馬通通打回原形; 大笨象, 火車頭都一振不起.

今日人民幣不停升值, 美元疲弱, 通漲先常, 就好像要市民一次過還突, 我手持一大堆股票, 身家蒸發到不敢去計算的地步. 每日睇實果幾個number不斷下瀉, 心都寒埋, 原來自己辛苦搵返來的錢可以咁快無聲無色地消失. 現在我還在搵工中, 過著自由但不自在的生活, 人生低潮從沒有想像過. 不過一想起已經離開一間由癲佬去管理的公司就知自己選擇對了.