可悲的香港人

上星期日黃昏6點幾接到朋友來電, 當時我正搭巴士去粉嶺, 佢話一齊食飯, 當時佢正在粉嶺. 心諗這朋友從來冇聽過佢會在粉嶺出現, 所以問過明白. 原來當時佢睇緊樓.

朋友結婚不足一年, 老婆嚷著要離開原本佢地住開既深水步舊唐樓. 這間屋地方很大, 不過如果唔係由細住開, 一下指搬入去真係好難適應, 廁所長期冇水沖廁, 由廁所行出去就望到一樓下面既大街, 有時可能有老鼠行過, 比你都驚啦. 朋友倆小口結婚前裝修好一間大房, 好似一間小屋一樣, 內裡有大電視和沙發. 起初佢老婆都打算適應, 不過日子久了就唔想再適應下去, 嚷著要買屋搬, 都係既,一個大學生對自己生活有要求係好正常!

香港地買屋就等於把自己一生押下去, 一世人就為左間屋而打拚, 想留多點錢防老都冇可能. 朋友佢地唔要買舊樓, 唔要單幢樓(因為維修時要夾多d錢), 又要交通方便, 又要唔太貴. 所以經過research之下, 粉嶺就岩晒佢地心水. 不過都唔好以為粉嶺d樓平, 只係其他地方太貴咋. 我朋友係九龍人, 從來冇打算搬入新界, 不過而家都要考慮喇...

香港地買樓就要押下自己既一生, 供樓唔係一件好玩既事, 自己唔食都要供樓先, 一層150萬既樓分25年去供, 連息可能要成300萬. 唉... 永遠發達既只係香港地產商人, 小市民一生就要奉獻晒佢地既金錢. 想住政府樓? 你同我點都冇可能達到佢地果d苛刻既條件架喇, 想住好d就要迫住買私人樓啦. 如果一生人可以省下50%供樓既錢去享受下, 可能香港人既快樂指數會上升一大步. 唔洗年年世界性生活調查香港人都排尾幾位啦.